\n\n\n
قاعد بتتفرج على الماتش، فجأة الشاشة ضلمت بس لسه سامع المعلق! تقفل وتفتح، نفس النتيجة. هل الشاشة اتحرقت؟ لأ، دي غالباً مشكلة "إضاءة خلفية".
\n\nيعني إيه Backlight؟
\nشاشات LED الحديثة عبارة عن طبقة زجاج (Panel) بتعرض الصورة، ووراها "مسطرة ليدات" (لمبات صغيرة) بتنور عشان تشوف الصورة دي. لو اللمبات دي اتحرقت، الصورة موجودة بس مفيش نور يظهرها.
\n\nاختبار الكشاف (Flashlight Test)
\nقرب كشاف موبايلك من الشاشة وهي شغالة. لو قدرت تشوف خيال للصورة باهت جداً، يبقى البانل سليم والعيب في الليدات. لو مفيش أي صورة، يبقى العيب في "البوردة".
\n\nالحل عند "هيونداي"
\nتغيير الليدات عملية دقيقة. لازم نفتح الشاشة (والبانل حساس جداً للكسر)، ونغير "طقم الليدات" بالكامل بقطعة أصلية نفس الموديل. تغيير ليد واحد بس حل "ترقيع" وبيرجع العطل تاني بعد أسبوع.
\n