\n\n\n
الثلاجات الكبيرة (البابين) اللي فيها حنفية ميه وتلج (Dispenser) بيبقى جواها "فلتر تنقية". الفلتر ده مش ديكور، ده مسؤول عن صحتك وطعم الميه وحماية الثلاجة.
\n\nإمتى تغير الفلتر؟
\nمعظم الثلاجات فيها لمبة (Filter Reset) بتنور أحمر كل 6 شهور. ده الميعاد الافتراضي. بس لو الميه طعمها اتغير أو ضغط الميه من الحنفية ضعف قبل كده، يبقى لازم يتغير فوراً.
\n\nليه لازم فلتر أصلي؟
\n- \n
- التنقية الحقيقية: الفلتر الأصلي بيشيل الكلور، المعادن الثقيلة، والشوائب الدقيقة. الفلاتر "المضروبة" (Copy) عبارة عن قطنة، مبتعملش أي حاجة غير إنها توهمك. \n
- حماية الصمامات: لو الفلتر باظ وعدى شوائب، صمامات الثلاجة الداخلية هتتسد، وممكن الحنفية تنقط ميه باستمرار أو التلج ميتعملش. \n
طريقة التغيير
\nتغيير الفلتر سهل وممكن تعمله بنفسك (ربع لفة وتسحب). بس أهم حاجة بعد التغيير، لازم تصفي (تكر) حوالي 5 لتر ميه وترميهم عشان تنظف الفلتر الجديد من بودرة الكربون وتفرغ الهواء من الدورة. وبعدين تضغط زرار Reset عشان اللمبة تطفى.
\n